"Монголын хөрөнгийн бирж" ТӨХК-ийн дүрмийн 8 дугаар зүйлийн 8.10.11 дүгээр заалт, "Үнэт цаас гаргагчаас олон нийтэд хүргэх мэдээллийн журам"-ын 7 дугаар зүйлийн 7.5.3 дугаар заалт, Санхүүгийн зохицуулах хорооны 2022 оны 03 дугаар сарын 23-ны өдрийн 145 тоот тогтоолыг тус тус үндэслэн "Компанийн засаглалын кодексийг үнэлэх аргачлал"-ыг шинэчлэн баталж, 2022 оны 06 дугаар сарын 10-ны өдрөөс эхлэн дагаж мөрдөхийг үүрэг болголоо.
Тиймээс хувьцаат компаниуд "Компанийн засаглалын кодекс"-ийн хэрэгжилтийн тайланг Монголын хөрөнгийн биржийн Гүйцэтгэх захирлын 2022 оны 06 дугаар сарын 09-ний өдрийн А/58 тоот тушаалын 1-д заасан аргачлалын дагуу үнэлж, жил бүрийн 04 дүгээр сарын 01-ний өдрийн дотор, хэрэгжилтийн тайланд гарсан өөрчлөлтийг тухай бүрт тайлагнан мэдэгдэж байхыг МХБ-д бүртгэлтэй хувьцаат компаниудад мэдэгдэж байна.
"Компанийн засаглалын кодексийг үнэлэх аргачлал"-ын дэлгэрэнгүй мэдээллийг энд дарж үзнэ үү.
МОНГОЛЫН ХӨРӨНГИЙН БИРЖ