2022 оны 3 дугаар сарын 11-ний өдөр энгийн арилжаагаар 45 хувьцаат компанийн 220,818,365 төгрөгийн үнийн дүн бүхий 473,079 ширхэг хувьцаа арилжигдсанаас 16 хувьцаат компанийн хувьцааны ханш өсч, 22 хувьцаат компанийн хувьцааны ханш буурсан бол 7 компанийн хувьцааны ханш тогтвортой байлаа. Үүнээс "Люкс занаду групп" ХК (BAZ +15.00%), "Сүү" ХК (SUU +5.24%) болон "Увс чацаргана" ХК (CHR +4.62%) зэрэг компаниудын хувьцааны ханш хамгийн өндөр өсөлттэй байсан бол "Орхондалай" ХК (ORD -11.11%), "Монголын хөгжил үндэсний нэгдэл" ХК (HAM -8.70%) болон "Сэлэнгэ сүрэг" ХК (SES -8.64%) хувьцаа хамгийн их уналттай байлаа.

Хөрөнгө оруулалтын 2 сангийн нийт 48,135 ширхэг нэгж эрхийг 34,085,435 төгрөгөөр, компанийн төгрөгийн бондын хоёрдогч зах зээлийн арижаагаар 3 ширхэг үнэт цаасыг 296,480 төгрөгөөр, ам.долларын нийт 210 ширхэг үнэт цаасыг 21,000 доллараар арилжаалсан бол хөрөнгөөр баталгаажсан үнэт цаасны арилжаагаар нийт 60 ширхэг хувьцааг 6,000,000 төгрөгөөр тус тус арилжаалсан байна.

ТOP-20 индекс -0.79% хувиар буурч, 36,981.87 нэгжид хүрсэн бол зах зээлийн үнэлгээ 5,399,117,028,992 төгрөг боллоо.

Арилжааны дэлгэрэнгүй мэдээллийг энд дарж үзнэ үү.