Санхүүгийн зохицуулах хороо (СЗХ), Монголын хөрөнгийн бирж (МХБ), Монголын Тогтвортой Санхүүгийн Холбоо (ТоС Холбоо), НҮБ-ын Байгаль орчны хөтөлбөр (UNEP), Тогтвортой байдлын санхүүгийн төвүүдийн сүлжээ (FC4S), Олон улсын санхүүгийн корпораци (ОУСК), НҮБ-ын хамтарсан хөтөлбөр тус тус хамтран хэрэгжүүлж буй “Монголын тогтвортой хөрөнгийн биржийн санаачилга” (МТХБС) төслийн хүрээнд “Монголын хөрөнгийн зах зээлд ESG буюу байгаль орчин, нийгэм, засаглал (БОНЗ)-ын тайлагналын стандартыг нэвтрүүлэх нь” сургалтыг 2022 оны 3 дугаар сарын 04, 05-ны өдрүүдэд МХБ-ийн нийт ажилтнуудад зохион байгууллаа. 

Монголын хөрөнгийн бирж нь НҮБ-ын дэргэдэх Тогтвортой хөгжилд чиглэсэн хөрөнгийн биржүүдийн холбоонд 2017 онд элссэнээс хойш хариуцлагатай хөрөнгө оруулалтыг дэмжих зорилгыг тавин ажиллаж байгаа билээ. Энэхүү зорилгын хүрээнд МХБ нь БОНЗ-ын тайлагналын олон улсын стандартыг дотоодын зах зээлд шинээр нэвтрүүлэхээр "Бүртгэлтэй компаниудаас олон нийтэд мэдээлэл хүргэх журам"-ын төсөлд тус стандартыг тусгасан бөгөөд журам батлагдсанаар бүртгэлтэй компаниудын засаглал, ил тод байдал сайжрах, дотоодын хөрөнгийн зах зээлд хөрөнгө оруулах гадаад, дотоодын хөрөнгө оруулагчдын тоо нэмэгдэх зэрэг олон талын ач холбогдол бий болж, улмаар зах зээлийн хөгжлийг дэмжихэд чухал нөлөө үзүүлэх юм. 

МОНГОЛЫН ХӨРӨНГИЙН БИРЖ