"Богд банк" ХХК нь банкны реформын хүрээнд олон нийтийн компани болох хүсэлтийг ирүүлсэн хамгийн анхны банк болж байгаа бөгөөд нийт хувьцааныхаа 20 хувь буюу 12,500,000 ширхэг хувьцааг нэг бүр нь 2,540 төгрөгөөр нийтэд санал болгох замаар нийт 31.75 тэрбум төгрөгийг татан төвлөрүүлэхээр төлөвлөсөн бөгөөд түүнээс 70 хувь буюу 8,750,000 ширхэг хувьцааг стратегийн хөрөнгө оруулагчдад, үлдэх 30 хувь буюу 3,750,000 ширхэг хувьцааг олон нийтэд санал болгон худалдах юм.

Анхдагч зах зээлийн арилжааны захиалгыг 2021 оны 12 дугаар сарын 01-ний өдрөөс 2021 оны 12 дугаар сарын 07-ны өдрийн хооронд хүлээн авах бөгөөд 12 дугаар сарын 02-ны өдрийн байдлаар нийт арилжааны захиалгын 61.38 хувь нь биелсэн байна. 

МОНГОЛЫН ХӨРӨНГИЙН БИРЖ