2021 оны 10 дугаар сарын 22-ны өдөр энгийн арилжаагаар 38 хувьцаат компанийн 239,003,884 төгрөгийн үнийн дүн бүхий 647,705 ширхэг хувьцаа арилжигдсанаас 21 хувьцаат компанийн хувьцааны ханш өсч, 11 хувьцаат компанийн хувьцааны ханш буурсан бол 6 үнэт цаасны ханш тогтвортой байлаа. Үүнээс "Тэнгэрлиг медиа групп" ХК (TNGR +14.89%), "Увс чацаргана" ХК (CHR +14.06%), болон "Баянгол зочид буудал" ХК (BNG +4.61%) -ийн хувьцааны ханш хамгийн өндөр өсөлттэй байсан бол "Шивээ овоо" ХК (SHV -13.1%), "Мик холдинг" ХК (MIK-5.72%) болон "Талх чихэр" ХК (TCK-3.08%) хувьцаа хамгийн  их уналттай байлаа.

Багцын арилжаагаар "Өндөрхаан" ХК-ийн нийт 91313 ширхэг үнэт цаас 109,575,600 төгрөгөөр арилжигдсан байна.

Компанийн бондын хоёрдогч зах зээлийн арилжаанд ЭТТ бондын нийт 23 ширхэг үнэт цаас 2,300 доллараар арилжигдсан бол Хөрөнгө оруулалтын 2 сангийн нийт 46,670 ширхэг нэгж эрх 27,889,187 төгрөгөөр арилжигдсан байна.

ТOP-20 индекс 0.38 хувиар өсч 40276.51 нэгжид хүрсэн бол зах зээлийн үнэлгээ  4,869,153,629,610 төгрөг боллоо. 

Арилжааны дэлгэрэнгүй мэдээллийг Энд дарж үзнэ үү.   

                                                                   МОНГОЛЫН ХӨРӨНГИЙН БИРЖ