Монгол Улсын Засгийн газрын “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-ний хүрээнд “Эрдэнэс тавантолгой” ХК нь стратегийн ач холбогдол бүхий төмөр зам, нүүрс баяжуулах үйлдвэр, дулааны цахилгаан станцын бүтээн байгуулалт зэрэг томоохон төсөл, хөтөлбөрүүдийг хэрэгжүүлэхээр өөрийн орлогоор баталгаажсан 2 их наяд төгрөг хүртэлх үнийн дүнтэй төгрөг, ам.долларын "ЭТТ бонд"-ыг 3 транч буюу үе шаттайгаар гаргахаар Монголын хөрөнгийн биржид бүртгүүлсэн бөгөөд эхний транчийн өрийн хэрэгслийн анхдагч зах зээлийн арилжаа 2021 оны 3 дугаар сарын 30-наас 4 дүгээр сарын 09-ний өдрүүдэд амжилттай зохион байгуулагдаж, хоёрдогч зах зээлд идэвхтэй арилжигдаж байгаа билээ.
Хоёрдахь транчийн хүрээнд ам.доллар болон төгрөгийн хосолсон 200 сая хүртэлх ам.доллартай тэнцэх үнийн дүн бүхий өрийн хэрэгслийг дараах нөхцөлөөр нийтэд санал болгон арилжаалах төлөвлөгөөг тус үнэт цаасны андеррайтер "Бидисек ҮЦК" ХК-иас ирүүлсэн байна.
|
Төрөл |
Үнийн дүн |
Тоо ширхэг |
Нэрлэсэн үнэ |
Нэрлэсэн хүү (купон) |
Дуудах өгөөжийн түвшин |
Өрийн хэрэгслийн хугацаа |
Өгөөжийн өөрчлөх хязгаар /Tick size/ |
|
Ам.долларын бонд |
$100,000,000 |
1,000,000 |
$100 |
5.8 хувь |
5.8 хувь |
24 сар |
0.05 |
|
Төгрөгийн бонд |
₮285,000,000,000 |
2,850,000 |
₮100,000 |
10 хувь |
10 хувь |
36 сар |
Андеррайтераас ирүүлсэн хүсэлтийн дагуу 2021 оны 08 сарын 19-ний өдрөөс 2021 оны 08 сарын 25-ны өдрийн 10-17 цаг хүртэл ажлын 5 өдрийн хугацаанд МХБ-ийн арилжааны системд хөрөнгө оруулагчдын захиалгыг хүлээн авч, анхдагч зах зээлийн арилжааг зохион байгуулна.
МХБ-ийн "Үнэт цаасны анхдагч зах зээлийн арилжааны журам"-д заасны дагуу захиалгын бүртгэлийн аргаар үнэт цаасны үнийг тогтоон, хөрөнгө оруулагчдаас ирүүлсэн захиалга нийлүүлэх үнэт цаасны тоо ширхгээс давсан нөхцөлд ирсэн захиалгуудыг цаг хугацааны дарааллаас үл хамаарч захиалсан үнэт цаасны тоонд хувь тэнцүүлэн хуваарилна.
Үнэт цаасны танилцуулгыг эндээс үзнэ үү.
МОНГОЛЫН ХӨРӨНГИЙН БИРЖ