Азийн Хөгжлийн Банк нь 2002 оноос хойш АСЕАН+3 буюу АСЕАН-ын орнууд болон Япон, БНХАУ, БНСУ зэрэг улсуудтай хамтран бүс нутгийн санхүүгийн системийг бэхжүүлэн хөгжүүлэх зорилгоор Азийн бондын зах зээлийн санаачлагыг хэрэгжүүлж байгаа бөгөөд Монгол Улс 2019 онд АСЕАН+3 Бондын зах зээлийн форумын албан ёсны ажиглагч гишүүн болсон байна. 

Тус санаачлагын хүрээнд Монгол Улсын санхүүгийн болон хөрөнгийн зах зээлийг  бүс нутгийн хөгжилтэй нийцүүлэн хөгжүүлж, олон улсын сайн туршлага, стандартуудыг нэвтрүүлэх зорилгоор Азийн Хөгжлийн Банкны техник туслалцаатайгаар хөрөнгийн зах зээлийн  оролцогч мэргэжлийн байгууллагууд 2019 оноос эхлэн “Монголын бондын зах зээлийн гарын авлага” (https://www.adb.org/publications/bond-market-guide-mongolia)-ыг хамтран боловсруулж, улмаар 2021 оны 2 дугаар сард Азийн Хөгжлийн Банкны цахим хуудсанд нийтлэгдэж, олны хүртээл боллоо. 

Энэхүү гарын авлага нь зах зээлийн хууль эрх зүйн орчин, бүртгэл, арилжаа, төлбөр тооцоо, татвар, зах зээлийн сүүлийн үеийн нөхцөл байдал, чиг хандлага зэрэг Монголын бондын зах зээлийн талаарх цогц мэдээллийг агуулсан нь үнэт цаас гаргагч, гадаад, дотоодын хөрөнгө оруулагчид, судлаачид зэрэг бүхий л сонирхогч талуудад чухал хэрэгцээтэй баримт материал боллоо.  

МОНГОЛЫН ХӨРӨНГИЙН БИРЖ