Дэлхий дахинд өргөн хүрээнд тархаж байгаа коронавирусийн (Covid-19) халдвараас Монгол Улсын иргэн бүрийг хамгаалахын төлөө улс даяар урьдчилан сэргийлэх үйл ажиллагаанд дэмжлэг болох зорилгоор "Монос групп" ХХК нь холбогдох байгууллагуудаас гаргаж байгаа шийдвэрийг хариуцлагатайгаар биелүүлж байгаа иргэн, байгууллага бүрийг цаашид өндөр хариуцлагатай байж, хичээл зүтгэл гарган эрсдлээс хамгаалахыг уриалж, "Бид хамтдаа сэргийлж чадна" аяныг өрнүүлж байна.
Уг аяны хүрээнд "Монос групп" ХХК-аас "Монголын хөрөнгийн бирж" ТӨХК-ийн нийт ажиллагсдад 500 ширхэг амны хаалтыг бэлэглэв.
Дашрамд дурдахад, "Монос групп" ХХК-ийн охин компани болох "Монос Хүнс" ХК нь эрүүл мэндийн салбараас анх удаа олон нийтэд нийт хувьцааныхаа 30 хувь буюу 122,655,128 ширхэг хувьцааг нэг бүрийг нь 70 төгрөгөөр олон нийтэд санал болгон худалдаалж, нийт 8.6 тэрбум төгрөгийн хөрөнгийг татан төвлөрүүлж бүтээгдэхүүний нэр төрлийг нэмэгдүүлэх болон техник технологийг сайжруулан ажиллаж байгаа билээ.
МОНГОЛЫН ХӨРӨНГИЙН БИРЖ