Тулгар төр байгуулагдсаны 2228, Их Монгол Улсын 813 жил, Ардын хувьсгалын 98 жилийн ойн Үндэсний их баяр наадмыг тохиолдуулан Монгол Улсын Ерөнхийлөгчийн зарлигаар эрхэлсэн ажилдаа амжилт гарган олон жил үр бүтээлтэй ажиллаж, хөрөнгийн зах зээлийн өнөөгийн өсөлт хөгжилтөд үнэтэй хувь нэмэр оруулсан дараах хүмүүсийг Төрийн дээд шагнал Алтан гадас одонгоор шагнасан байна. Үүнд: 

• Бүртгэлийн албаны мэргэжилтэн Т.Мөнхтуяа
• Бүртгэлийн албаны мэргэжилтэн Б.Оюундэлгэр
• Үйлчилгээний ажилтан А.Цэндоо нар тус тус шагнал хүртлээ.

Монгол Улсад хөрөнгийн зах зээл шинэ түвшинд гарч олон олон компаниуд амжилттайгаар нээлттэй хувьцаат компани болж тус компаниудын хувьцаанд ард иргэд, олон нийт хөрөнгө оруулж хувьцаа эзэмших замаар үр шимийг хүртэхэд үнэтэй хувь нэмэр оруулж байгаагаас гадна түүхэн олон амжилтийг бүтээж байгаа манай хамт олныг төр засгийн зүгээс бодитоор үнэлсэн явдал боллоо.

Шагнал хүртсэн нийт хүмүүсийнхээ цаашдын ажил амьдралд нь өндөр амжилт хүсэн ерөөе.

МОНГОЛЫН ХӨРӨНГИЙН БИРЖ