"Голомт капитал" ҮЦК ХХК нь Монгол Улсад зах зээл үүсгэгчийн үйл ажиллагааг хэрэгжүүлж байна. 

Өнөөдөр (2026.05.22) "Монос хүнс" ХК-ийн MFC.MSE хувьцаан дээр зах зээл үүсгэх анхны авах, зарах захиалгууд албан ёсоор байршиж эхэллээ.

Зах зээл үүсгэгчийн үйл ажиллагааны хүрээнд "Голомт Капитал" ҮЦК ХХК нь дараагийн 6 сарын хугацаанд MFC.MSE хувьцаан дээр биржийн арилжааны цагийн 50-аас доошгүй хувьд хоёр талт буюу авах, зарах захиалгыг тасралтгүй байршуулж ажиллана. 

Ингэснээр хувьцааны хөрвөх чадвар нэмэгдэж, хөрөнгө оруулагчид, харилцагчдын арилжаа хийх боломж сайжрахын зэрэгцээ MFC хувьцааны зах зээлийн идэвх, хүртээмж нэмэгдэх ач холбогдолтой юм.

МОНГОЛЫН ХӨРӨНГИЙН БИРЖ