Монголын хөрөнгийн бирж ХК хэрэглэгчдэд чиглэсэн дижитал хөгжлийн хүрээнд албан ёсны цахим хуудсаа (www.mse.mn) бүрэн шинэчилж, олон нийтэд танилцуулж байна.

Шинэчлэлийн зорилго нь хөрөнгө оруулагч, зах зээлийн оролцогч болон иргэдэд мэдээлэл, үйлчилгээг илүү хурдан, ойлгомжтой, хүртээмжтэй хүргэж, хэрэглэгчийн туршлагыг сайжруулах юм.

Онцлох өөрчлөлтүүд
    •  Хэрэглэгч төвтэй UX/UI дизайн: хэрэглэгчийн хэрэгцээ, зан төлөвт нийцүүлэн бүтэц, навигацийг дахин төлөвлөв.
    •  Мэдээллийн хүртээмж, ил тод байдал: ханш, мэдээ, тайлан, журам, статистик мэдээллийг цэгцтэй, шуурхай авах боломж бүрдэв.

Энэхүү шинэчлэл нь зах зээлийн мэдээллийн үндсэн эх сурвалж болох биржийн цахим хуудсыг илүү үр ашигтай болгож, ил тод байдал, хөрөнгө оруулагчдын итгэл, зах зээлийн оролцоог нэмэгдүүлэхэд дэмжлэг үзүүлнэ.

Монголын хөрөнгийн бирж цаашид дижитал шилжилтийн хүрээнд зах зээлийн дэд бүтэц, мэдээллийн систем болон хэрэглэгчдэд чиглэсэн цахим үйлчилгээг үе шаттайгаар сайжруулан ажиллана.

Шинэ цахим хуудастай холбоотой санал хүсэлтийг дараах холбоосоор өгнө үү! https://docs.google.com/forms

Хуучин цахим хуудас руу дараах холбоосоор орох боломжтой. Монголын Хөрөнгийн Бирж

МОНГОЛЫН ХӨРӨНГИЙН БИРЖ