"Монголын хөрөнгийн бирж" ХК нь 2015 оноос эхлэн бүртгэлтэй хувьцаат компаниудын мэдээллийн ил тод байдал, засаглалыг сайжруулах, хөрөнгө оруулагч, хувьцаа эзэмшигчид, олон нийтийн санхүүгийн зах зээлийн мэдээ мэдээллийг нэмэгдүүлэх зорилгоор Earnings call буюу компаниудын санхүү үйл ажиллагааны тайланг олон нийтэд нээлттэй хүргэх арга хэмжээг зохион байгуулж ирсэн билээ.
Бид бүртгэлтэй компаниудын 2025 оны жилийн эцсийн санхүү, үйл ажиллагааны тайланг олон нийтэд хүргэх үйл ажиллагааг Capital Markets Mongolia (CMM) компанитай хамтран цахим болон танхимын хэлбэрээр зохион байгуулахаар боллоо.
Тайлан танилцуулах арга хэмжээ 2026 оны 01 дүгээр сарын 27-ны өдрийн 11:00 цагт "Хас банк" ХК-иар эхлэх бөгөөд Хас банк болон МХБ-ийн албан ёсны фэйсбүүк хуудсаар шууд дамжуулах болно.
Хөрөнгийн зах зээлийг сонирхогч, судлаач шинжээчид, хөрөнгө оруулагчид та бүхнийг шууд дамжуулалтыг хүлээн авахыг урьж байна.
МОНГОЛЫН ХӨРӨНГИЙН БИРЖ