“Монголын хөрөнгийн бирж” ХК-иас бүртгэлтэй үнэт цаасны арилжааг идэвхжүүлэх, зах зээлийн хөрвөх чадварыг нэмэгдүүлэх зорилгоор орон нутагт үйл ажиллагаа явуулдаг "Увс хүнс" ХК, "Их барилга" ХК-иудын төлөөлөлтэй уулзалт хийлээ.

Тус уулзалтаар Санхүүгийн зохицуулах хороо, “Монголын хөрөнгийн бирж” ХК-ийн зүгээс дээрх чиглэлэд баримталж буй бодлогын талаар мэдээлэл өгсөн.

"Увс хүнс" ХК-ийн байранд

Үүнд:

• Компанийн засаглалыг сайжруулах: Хөрөнгийн биржид бүртгэлтэй II, III ангилалд бүртгэлтэй хувьцаат компаниудын засаглалыг сайжруулах

• Төвлөрлийг багасгах: Жижиг хувьцаа эзэмшигчдийн оролцоог нэмэгдүүлэх хувьцааны төвлөрлийг багасгах талаар бодлого хэрэгжүүлэх

• Үүргийн хэрэгжилтийг сайжруулах: Хууль, журамд заасан мэдээ мэдээллийг хугацаандаа ирүүлэх, гэрээгээр хүлээсэн үүргийн хэрэгжилтийг ханган ажиллах

• Зах зээлийн үнэлгээ: Дансны болон зах зээлийн үнэ зөрүүтэй компаниудын үнэлгээг тогтоох арга хэмжээг хэрэгжүүлнэ.

Түүнчлэн МХБ-ийн 2,3 дугаар ангилалд бүртгэлтэй хувьцаат компаниуд үйл ажиллагаагаа өргөжүүлэн хөгжүүлэхэд тулгамдаж буй асуудал, холбогдох байгууллагуудын дэмжлэг туслалцааны талаарх тодорхой саналуудыг хүлээн авч холбогдох удирдлагад танилцуулан, дэмжиж ажиллахаа илэрхийлсэн юм.

МОНГОЛЫН ХӨРӨНГИЙН БИРЖ