БНХАУ-ын олон улсын нүүрсний SXCoal платформыг үүсгэгч Fenwei Digital Information Technology Co., Ltd-ийн Дэд захирал Фэн Дунбин тэргүүтэй төлөөлөл өнөөдөр (2025.09.09) “Монголын хөрөнгийн бирж” ХК-д зочиллоо.

Төлөөлөгчдийг “Монголын хөрөнгийн бирж” ХК-ийн Гүйцэтгэх захирлын үүргийг түр орлон гүйцэтгэгч Б.Дөлгөөн, Уул уурхайн арилжаа, бүртгэлийн газрын захирлын үүргийг түр орлон гүйцэтгэгч С.Ариунсанаа нар хүлээн авч уулзсан юм.

Тус уулзалтаар биржийн үйл ажиллагааг танилцуулан, харилцагч талууд уул уурхайн арилжаанд хэрхэн оролцох талаар дэлгэрэнгүй мэдээлэл хүргэсэн бөгөөд төгсгөлд нь цаашдын хамтын ажиллагааг өргөжүүлэн хөгжүүлэх талаар харилцан санал солилцлоо.

МОНГОЛЫН ХӨРӨНГИЙН БИРЖ