“Монголын хөрөнгийн бирж” ХК нь олон нийтийн санхүүгийн боловсрол, тэр дундаа хөрөнгө оруулалт, хөрөнгийн зах зээлийн талаарх мэдлэг мэдээллийг нэмэгдүүлэх чиглэлд хөрөнгийн зах зээлд идэвхтэй үйл ажиллагаа явуулдаг гишүүн үнэт цаасны компаниудтай тогтмол хамтран ажилладаг.
Энэ хүрээнд өнгөрөгч баасан гараг (2025.09.05)-ийн 16:00-21:00 цагийн хооронд биржийн “MSE hall”-д “Голомт Капитал” үнэт цаасны компани “GO CLIENTS GO” МАРАФОН арга хэмээг эхлүүлсэн юм.
GO CLIENTS GO” марафон нь хоёр өдрийн хөтөлбөрт арга хэмжээ бөгөөд эхний өдөр
-
“Голомт Капитал” үнэт цаасны компанийн Гүйцэтгэх захирал С.Ган-Эрдэнэ “GC-Bond” супермаркетаар үйлчлүүлэх шалтгаан,
-
Эдийн засагч Н.Энхбаяр “Эдийн засгийн үзүүлэлтүүдийн-Зөгнөл”,
-
Голомт Капитал” үнэт цаасны компанийн Хөрөнгийн удирдлага, судалгааны газар Р.Дарханбаяр “Крипто гадаад хувьцаа”,
-
“Монголын хөрөнгийн бирж” ХК-ийн Гүйцэтгэх захирлын үүргийг түр орлон гүйцэтгэгч Б.Дөлгөөн “Монголын хөрөнгийн зах зээлээс ашиг хүртэх нь”,
-
Мөнгөний ухаан номын орчуулагч Э.Золбаяр “Мөнгөний ухаанд яагаад суралцах нь”,
-
Зах зээлийн шинжээч Г.Эрдэнэбаясгалан “Монголд хувьцаагаар баяжих боломжтой юу?” сэдвээр тус тус танхимд хүрэлцэн ирсэн 200 гаруй оролцогчид илтгэл, мэдээллийг хүргэсэн.
Харин 2025.09.06-ны Бямба гарагт Үндэсний цэцэрлэгт хүрээлэнд “Go Clients Go” марафоныг зохион зохион байгуулж, оролцогч бүрд дурсгалын сертификат гардууллаа.
“Голомт Капитал” үнэт цаасны компани Монголын хөрөнгийн зах зээлд анхдагч олон алхмыг хийж, 2019 онд “GCC academy”-ийг үүсгэн байгуулсан ба иргэдэд хөрөнгийн зах зээлийн мэдлэг боловсрол олгох, боломжийг нээх, өндөр өгөөж хүртэхэд “луужин” нь байх зорилготой тус академид өнгөрсөн хугацаанд 7000 орчим харилцагч суралцсан байна.
МОНГОЛЫН ХӨРӨНГИЙН БИРЖ