“Монголын хөрөнгийн бирж” ХК-ийн I ангилалд бүртгэлтэй “МОНГОЛЫН ХӨРӨНГИЙН БИРЖ” ХК-ийн Захиргаа, Санхүүгийн газрын захирал Х.Эрдэнэбүрэн 2025 оны 08 дугаар сарын 05-ны өдөр 2025 оны хагас жилийн үйл ажиллагааны тайлан, санхүүгийн үр дүнгээ танилцууллаа.

Тайлант хугацаанд:

Байгууллагын санхүүгийн үзүүлэлтүүд:

• Нийт орлого 17.9 тэрбум төгрөг.

• Үйл ажиллагааны зардал 4.4 тэрбум төгрөг.

• Төсөвт төлсөн татвар, шимтгэл 2.8 тэрбум төгрөг.

• Татварын өмнөх ашиг 13.5 тэрбум төгрөг байна.

• ЗАХ ЗЭЭЛИЙН ҮНЭЛГЭЭ: Нийт зах зээлийн үнэлгээг өмнөх оны мөн үетэй харьцуулахад 849.39 тэрбум төгрөг буюу 7.53 хувиар өсч, 12 их наяд 134 тэрбум төгрөг болсон байна.

• ТОП-20 ИНДЕКС: Дээд үзүүлэлт 54 018.32 нэгж, доод үзүүлэлт 46 334.87 нэгж, дундаж үзүүлэлт 50 271.15 нэгж. Өмнөх оны мөн үетэй харьцуулахад 7,486.0 нэгжээр буюу 10.95  хувиар  өсч,  49,246.17  нэгж болсон байна

2025 оны эхний хагас жилийн онцлох үйл явдлууд:

• Санхүүгийн зохицуулах хороо Уул уурхайн бүтээгдэхүүний арилжааны холбогдох журмуудыг дагаж мөрдүүлэхийг зөвшөөрлөө.

• Санхүүгийн зохицуулах хороо Нүүрсний форвард гэрээг дахин арилжаалах журам"-ыг үйл ажиллагаандаа дагаж мөрдүүлэхийг зөвшөөрлөө.

• Санхүүгийн зохицуулах хороо, “Монголын хөрөнгийн бирж” ХК, МҮХАҮТ, МҮЦАЭХ-НЫ удирдлагууд хамтын ажиллагааны санамж бичиг байгууллаа.

• Хөрөнгийн  зах  зээлийн  сургалт,  үйлчилгээ, мэдээллийн төвийг нээлээ.

• “Монголын хөрөнгийн бирж” ХК хувьцаа эзэмшигчдэдээ ногдол ашиг хуваариллаа.

Та бүхэн “МОНГОЛЫН ХӨРӨНГИЙН БИРЖ" ХК-ийн 2025 оны жилийн хагас жилийн тайлангийн танилцуулгыг энд дарж үзнэ үү.

Шууд дамжуулалтыг “Монголын хөрөнгийн бирж” ХК-ийн албан ёсны фэйсбүүк хаягаар энд дарж үзнэ үү.

МОНГОЛЫН ХӨРӨНГИЙН БИРЖ