2025 оны 08 дугаар сарын 04-ний өдөр энгийн арилжаагаар 43 хувьцаат компанийн 409,999,450 төгрөгийн үнийн дүн бүхий 615,590 ширхэг хувьцаа арилжаалагдсанаас 13 компанийн хувьцааны ханш өсч, 25 компанийн хувьцааны ханш буурсан бол 5 компанийн ханш тогтвортой байлаа.

Үүнээс Хар тарвагатай ХК (TVT +15.00%), Тахь-ко ХК (TAH +8.82%), Монос хүнс ХК (MFC +2.34%) зэрэг компаниудын хувьцааны ханш хамгийн өндөр өсөлттэй байсан бол Ариг гал ХК (EER -8.93%), Тэнгэрлиг медиа групп ХК (TNGR -6.78%), Женко тур бюро ХК (JTB -6.23%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 1 сангийн 3,429 ширхэг нэгж эрх 3,059,756 төгрөгөөр,

• Хөрөнгөөр баталгаажсан 3,530 ширхэг үнэт цаас 352,510,800 төгрөгөөр 

• Компанийн бондын хоёрдогч зах зээлийн арилжаагаар 45 ширхэг үнэт цаас 4,500,000 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• "Энержи Ресурс" ХХК-ийн 2 багц 12,800 тонн баяжуулсан коксжих нүүрс 10,240,000 юань буюу 5,096,652,800 төгрөгөөр,

• "Эрдэнэс Критикал Минералс ТӨҮГ" (Монголросцветмет” ТӨҮГ)-ийн 4 багц 13,200 тонн 52%-ийн агууламжтай төмрийн хүдэр 858,000 ам.доллар буюу 3,079,181,820 төгрөгөөр тус тус арилжигдсан. 

Энэ өдөр нийт 8,945,904,626 төгрөгийн үнийн дүн бүхий арилжаа зохион байгуулав. 

ТOП-20 индекс 0.2% хувиар буурч, 49,238.9 нэгж болсон бол зах зээлийн үнэлгээ 12,241,109,909,072 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ