“Монголын хөрөнгийн бирж” ХК-иас санаачлан Санхүүгийн зохицуулах хороо, Үнэт цаасны төвлөрсөн хадгаламжийн төв, Монголын үнэт цаасны арилжаа эрхлэгчдийн холбоотой хамтран хөдөө орон нутгуудад “Хөрөнгийн зах зээл ба 1072 хувьцаа” сэдвийн хүрээнд нээлттэй өдөрлөг зохион байгуулна.

Өдөрлөг 2025 оны 06 дугаар сарын 23, 24-ний өдрүүдэд Өмнөговь, Дундговь аймгуудаас эхлэх бөгөөд

• 1072 хувьцааны ногдол ашиг - баялгийн тэгш хуваарилалтын талаар ард иргэдэд дэлгэрэнгүй мэдээлэл хүргэх,
• Цэнхэр, ягаан тасалбар болон иргэдийн эзэмшиж буй хувьцааны бүртгэл, мэдээллийг шүүж өгөх,
• Зах зээлд гарч байгаа шинэ бүтээгдэхүүн үйлчилгээг танилцуулах,
• Үнэт цаас гаргагчдад зөвлөгөө өгөх, хөрөнгө оруулагчдыг бэлтгэх
• “Макро эдийн засгийн өнөөгийн нөхцөл байдал” сэдвийн хүрээнд тойм мэдээлэл хүргэх юм.

Иргэд, хөрөнгө оруулагчид та бүхнийг “Хөрөнгийн зах зээл ба 1072 хувьцаа” сэдэвт үнэт цаасны зах зээлийн нээлттэй өдөрлөгт идэвхтэй оролцохыг урьж байна.

МОНГОЛЫН ХӨРӨНГИЙН БИРЖ