2025 оны 05 дугаар сарын 16-ны өдөр энгийн арилжаагаар 44 хувьцаат компанийн 311,689,387 төгрөгийн үнийн дүн бүхий 683,223 ширхэг хувьцаа арилжаалагдсанаас 19 компанийн хувьцааны ханш өсч, 14 компанийн хувьцааны ханш буурсан бол 11 компанийн ханш тогтвортой байлаа.

Үүнээс Орхон хөгжил ХК (HJL +15.00%), Хишиг уул ХК (HSX +14.29%), Шивээ овоо ХК (SHV +10.79%) зэрэг компаниудын хувьцааны ханш хамгийн өндөр өсөлттэй байсан бол Дархан нэхий ХК (NEH -4.00%), Монголын хөрөнгийн бирж ХК (MSE -2.15%), Эрдэнэ Ресурс Девелопмент Корпорэйшн (ERDN -1.83%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 12,314 ширхэг нэгж эрх 9,572,951 төгрөгөөр,

• Хөрөнгөөр баталгаажсан 50 ширхэг үнэт цаас 2,500,000 төгрөгөөр,

• Компанийн бондын хоёрдогч зах зээлийн арилжаагаар 18 ширхэг үнэт цаас 1,800,000 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• Эрдэнэс Критикал Минералс ТӨҮГ “Монголросцветмет” ТӨҮГ-ын 2 багц 6,600 тонн 52%-ийн агууламжтай төмрийн хүдэр 412,500 ам.доллар буюу 1,473,792,375 төгрөгөөр,

• "Хангад Эксплорэйшн" ХХК 2 багц 12,800 тонн баяжуулсан сул коксжих нүүрс 8,576,000 юань буюу 4,249,408,000 төгрөгөөр тус тус арилжигдсан байна. 

Энэ өдөр нийт 6,048,762,713 төгрөгийн үнийн дүн бүхий арилжаа зохион байгуулав. 

ТOП-20 индекс 0.77% хувиар өсч, 49,962.34 нэгж болсон бол зах зээлийн үнэлгээ 12,388,445,017,978 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ