Өнөөдөр Санхүү, эдийн засгийн их сургуулийн 4C танхимд Санхүүгийн зохицуулах хороо, “Монголын хөрөнгийн бирж” ХК, Хадгаламжийн даатгалын корпораци болон “Үнэт санхүүгийн нэгдэл” ХХК, Монголын даатгалын холбоо зэрэг хөрөнгийн зах зээлийн зохицуулагч, оролцогч байгууллагууд хамтран “Санхүүгийн зах зээл” мэдлэг түгээх өдөрлөг зохион байгууллаа.

Тус өдөрлөгт Санхүү, эдийн засгийн их сургуулийн Санхүүгийн тэнхимийн 3, 4 дүгээр курсийн 100 гаруй оюутнууд хамрагдсан.

Энэ үеэр“Монголын хөрөнгийн бирж” ХК-ийн Бизнес хөгжлийн газрын захирал Т.Хаш-Эрдэнэ “Хөрөнгийн зах зээл ба хөрөнгө оруулах боломж” сэдвээр илтгэл тавилаа.

Өдөрлөг 4, 5 дугаар саруудад “Сити” их сургууль, МУИС-ийн Бизнесийн сургуулиудад үргэлжлэн, өдөрлөгт хамрагдсан сургуулийн оюутнууд Санхүүгийн зах зээлийн зохицуулагч байгууллагуудтай танилцах аялалд хамрагдсанаар өндөрлөх юм.

МОНГОЛЫН ХӨРӨНГИЙН БИРЖ