Авлигатай тэмцэх газрын “Авлигатай тэмцэх үндэсний хөтөлбөр”-ийг хэрэгжүүлэх хэлтсийн Ахлах ажилтан, Ахлах комиссар С.Галбадрах өнөөдөр (2025.04.03) “Монголын хөрөнгийн бирж” ХК-д бүртгэлтэй хувьцаат компанийн төлөөллүүдэд мэдээлэл хүргэлээ.

Монгол Улсын Их хурлаас “Авлигатай тэмцэх үндэсний хөтөлбөр”-ийн хүрээнд “Алсын хараа 2050”, “Шинэ сэргэлтийн бодлого”-той уялдсан 2023-2030 онд хэрэгжүүлэх дунд хугацааны зорилтот хөтөлбөр гаргасан.

Мөн тус хөтөлбөрт “Хувийн хэвшилд авлигыг үл тэвчих соёлыг төлөвшүүлэх” зорилтыг тусгаж, хувийн хэвшил дэх дотоод болон гадаадын хөрөнгө оруулалтыг дэмжихэд чиглэсэн комплаенсын шаардлагыг хангах “Комплаенсын менежментийн тогтолцоо ISO37301” стандартыг нэвтрүүлэх, “Нийгмийн хариуцлагын ISO26000” стандартыг тусгасныг танилцуулж, цаашид үйл ажиллагаандаа нэвтрүүлж ажиллахыг санал болголоо.

МОНГОЛЫН ХӨРӨНГИЙН БИРЖ