“Монголын хөрөнгийн бирж” ХК-ийн Гүйцэтгэх захирлын үүргийг түр орлон гүйцэтгэгч Б.Дөлгөөн, Уул уурхайн бүтээгдэхүүний арилжаа, бүртгэлийн газрын захирлын үүргийг түр орлон гүйцэтгэгч С.Ариунсанаа нар өнөөдөр (2025.03.20) Уул уурхайн бүтээгдэхүүн худалдагч компаниудын төлөөллийг хүлээн авч уулзлаа.

Тус уулзалтаар Санхүүгийн зохицуулах хорооны 2025 оны 03 дугаар сарын 18-ны өдрийн 76 дугаар тогтоолоор үйл ажиллагаандаа дагаж мөрдүүлэхийг зөвшөөрсөн уул уурхайн бүтээгдэхүүний арилжааны холбогдох журмуудад орсон өөрчлөлт, нөхцөлүүдийг танилцуулсан юм.

Тухайлбал: Журмын төслийг боловсруулах үндэслэл, шаардлагыг танилцуулж, журмаар зохицуулах харилцаа, журмын ач холбогдлын талаар дэлгэрэнгүй мэдээлэл хийн, талууд харилцан санал солилцлоо.

Уулзалтад “Эрдэнэс Тавантолгой” ХК, “Тавантолгой” ХК, "Энержи Ресурс" ХХК, “Андын илч” ХХК, "Премиумкөүл корпораци" ХХК-иудын төлөөлөл оролцов.

МОНГОЛЫН ХӨРӨНГИЙН БИРЖ