“Монголын хөрөнгийн бирж” ХК-ийн гүйцэтгэх захирлын үүрэг гүйцэтгэгч Б.Дөлгөөн, Монголын бизнесийн зөвлөлийн ТУЗ-ийн дарга Ц.Түмэнцогт нар өнөөдөр (2025-03-14) хамтын ажиллагааны санамж бичиг байгууллаа.

Санамж бичгийн хүрээнд талууд:

• Хөрөнгийн зах зээлийн салбар, бизнесийн хөрөнгө оруулалтын орчныг сайжруулах,

• Салбарын эрсдэлийг бууруулахтай холбогдох мэдээ мэдээлэл солилцох,

• Судалгаа шинжилгээний чиглэлээр хамтын ажиллагааг дэмжин хөгжүүлэх чиглэлээр хамтран ажиллах юм.

• 

Монголын Бизнесийн Зөвлөл нь Монгол Улсад үйл ажиллагаа явуулж буй дотоодын болон олон улсын компаниудыг нэгтгэсэн, ашгийн бус, гишүүнчлэлд суурилсан байгууллага бөгөөд бизнесийн орчныг сайжруулах, гишүүдийн эрх ашгийг хамгаалах, төр, хувийн хэвшлийн хамтын ажиллагааг бэхжүүлэх зорилгоор үйл ажиллагаа явуулдаг байгууллага юм.

МОНГОЛЫН ХӨРӨНГИЙН БИРЖ