Өнөөдөр (2025.02.12) “Монголын Хөрөнгийн Бирж” ХК-ийн гүйцэтгэх захирлын үүргийг түр орлон гүйцэтгэгч Б.Дөлгөөн Энэтхэгийн элчин сайд ноён Атул Малхари Готсурвэг хүлээн авч уулзлаа. Уулзалтын үеэр “Монголын Хөрөнгийн Бирж” ХК болон Энэтхэгийн Хөрөнгийн Биржийн хамтын ажиллагааны талаар хэлэлцлээ.
Ноён Атул Малхари Готсурвэ Энэтхэгийн хөрөнгийн зах зээл сүүлийн жилүүдэд хурдацтай өсөж байгааг онцлоод Энэтхэг компаниуд манай улсаас уул уурхайн бүтээгдэхүүн худалдан авах, арилжаанд оролцох сонирхолтой байгааг илэрхийллээ. Тиймээс оролцогч талууд цаашид хамтын ажиллагаагаа бэхжүүлж, уул уурхайн бүтээгдэхүүний хоёрдогч зах зээлийн арилжаанд Энэтхэг компаниуд оролцох боломжийг нээх чиглэлд судлахаар тохиролцов.
МОНГОЛЫН ХӨРӨНГИЙН БИРЖ