2024 оны 12 дугаар сарын 31-ний өдөр энгийн арилжаагаар 49 хувьцаат компанийн 2,666,949,725 төгрөгийн үнийн дүн бүхий 3,528,811 ширхэг хувьцаа арилжаалагдсанаас 29 компанийн хувьцааны ханш өсч, 14 компанийн хувьцааны ханш буурсан бол 6 компанийн ханш тогтвортой байлаа.

Үүнээс Монгол шуудан ХК (MNP +15.00%), Хөх ган ХК (HGN +15.00%), Сонсголон бармат ХК (SSG +15.00%) зэрэг компаниудын хувьцааны ханш хамгийн өндөр өсөлттэй байсан бол Нако түлш ХК (NKT -14.74%), Ард санхүүгийн нэгдэл ХК (AARD -7.78%), Ремикон ХК (RMC -6.14%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 122,632 ширхэг нэгж эрх 89,268,010 төгрөгөөр,

• Хөрөнгөөр баталгаажсан 495 ширхэг үнэт цаас 38,586,000 төгрөгөөр,

• Компанийн бондын хоёрдогч зах зээлийн арилжаагаар 3,400 ширхэг үнэт цаас 354,920,000 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• "Монголросцветмет" ТӨҮГ-ын 2 багц 6,600 тонн 52%-ийн агууламжтай төмрийн хүдэр 396,000 доллар буюу 1,354,419,000  төгрөгөөр арилжигдсан байна.

Энэ өдөр нийт 4,504,142,735 төгрөгийн үнийн дүн бүхий арилжаа зохион байгуулав. 

ТOП-20 индекс 0.62% хувиар өсч, 51,296.39 нэгж болсон бол зах зээлийн үнэлгээ 12,944,685,407,286 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ