"Монголын хөрөнгийн бирж" ХК нь мэдээлэл технологийн дэд бүтэц, арилжааны системийг сайжруулах, мэдээллийн аюулгүй байдлыг дээшлүүлэхэд анхааран ажиллаж байгаа бөгөөд үүний хүрээнд үнэт цаасны анхдагч зах зээлийн арилжааны IPO системийг шинэчлэн зах зээлд нэвтрүүллээ.

Тус шинэчлэлээр системийн загвар дизайн, программ хангамжийг сүүлийн үеийн хувилбарт нийцүүлж өөрчилснөөс гадна аюулгүй байдлын өөрчлөлтийг тус тус орууллаа.

МХБ нь IPO системийг 2018 онд дотооддоо хөгжүүлэн ашиглаж эхэлсэн бөгөөд 2018-2024 оны хооронд тус системээр хувьцаа, бонд, ХБҮЦ, хөрөнгө оруулалтын сангийн нэгж эрх зэрэг үнэт цаасны 67 удаагийн анхдагч зах зээлийн арилжааг амжилттай зохион байгуулсан байна. 

МОНГОЛЫН ХӨРӨНГИЙН БИРЖ