2024 оны 08 дугаар сарын 12-ны өдөр энгийн арилжаагаар 45 хувьцаат компанийн 341,496,501 төгрөгийн үнийн дүн бүхий 3,668,264 ширхэг хувьцаа арилжаалагдсанаас 9 компанийн хувьцааны ханш өсч, 29 компанийн хувьцааны ханш буурсан бол 7 компанийн ханш тогтвортой байлаа.

Үүнээс ЛэндМН ББСБ ХК (LEND +8.00%), Женко тур бюро ХК (JTB +4.75%), Худалдаа Хөгжлийн банк (TDB +3.05%) зэрэг компаниудын хувьцааны ханш хамгийн өндөр өсөлттэй байсан бол Оллоо ХК (OLL -13.16%), Хөвсгөл алтан дуулга ХК (ADU -12.06%), Крипто Үндэстэн ХК (CNF -11.26%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 12,685 ширхэг нэгж эрх 5,845,819 төгрөгөөр,

• Компанийн бондын хоёрдогч зах зээлийн арилжаагаар 155 ширхэг бонд 15,474,800 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• "Энержи Ресурс" ХХК-ийн 3 багц 19,200 тонн баяжуулсан коксжих нүүрс 22,080,000 юань буюу 10,407,187,200 төгрөгөөр,

• "Эрд гео" ХХК-ийн 20 багц 1,300 тонн caf2 55-63%-ийн агууламжтай хайлуур жонш 110,500 ам.доллар буюу 373,640,280 төгрөгөөр тус тус арилжигдсан байна.

Энэ өдөр нийт 11,143,644,600 төгрөгийн үнийн дүн бүхий арилжаа зохион байгуулав.

ТOП-20 индекс 0.09% хувиар өсч, 49,217.69 нэгж болсон бол зах зээлийн үнэлгээ 12,160,973,091,049 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү.

•  Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ