Санхүүгийн Зохицуулах Хорооны 2024 оны 02 дугаар сарын 23-ны өдрийн дугаар 45 тоот тогтоол болон "Монголын хөрөнгийн бирж" ХК-ийн Гүйцэтгэх захирлын 2024 оны 01 дүгээр сарын 24-ний өдрийн А/41 тоот тушаалын дагуу бүртгэгдсэн “Ашид капитал ББСБ” ХХК-ийн олон нийтэд санал болгон гаргаж буй нэг бүр нь 100,000 төгрөгийн үнэ бүхий 200,000 ширхэг өрийн хэрэгслийн анхдагч зах зээлийн арилжааны захиалгыг 2024 оны 06 дугаар сарын 07-ны өдрөөс эхлэн ажлын 5 хоног 10:00-17:00 цагийн хооронд Монголын хөрөнгийн биржийн IPO системээр дамжуулж хүлээн авахаар боллоо.
Бондын нэр: “Симпл III бонд”
Бондын тоо ширхэг: 200,000 ширхэг
Бондын нэрлэсэн үнэ: 100,000 төгрөг
Бондын нийт үнийн дүн: 20,000,000,000 төгрөг
Бондын хүүгийн хувь хэмжээ: Жилийн 18%
Бондын хугацаа: 18 сар
Бондын хүү төлөгдөх хугацаа /давтамж/: Улирал тутамд
Бондын үндсэн төлбөр төлөгдөх хугацаа: Хугацааны эцэст
Захиалга нь санал болгож буй үнийн дүнд 100 хувь хүрсэн тохиолдолд анхдагч зах зээлийн арилжаа хаагдах нөхцөлтэй болно.
“Ашид капитал ББСБ” ХХК-ийн "СИМПЛ III БОНД"-ыг олон нийтэд арилжаалах үйл ажиллагаанд үндсэн андеррайтераар "Голомт капитал ҮЦК" ХХК, туслах андеррайтераар "Мандал капитал маркетс ҮЦК" ХХК ажиллаж байна.
Үнэт цаасны танилцуулгыг эндээс үзнэ үү.
МОНГОЛЫН ХӨРӨНГИЙН БИРЖ