“Монголын хөрөнгийн бирж” ХК-иас “Үнэт цаасны зах зээлийн анхан шатны мэдлэг олгох сургалт”-ыг сар бүр зохион байгуулдаг.

Сургалтын зорилго нь хөрөнгийн зах зээлд ажиллах мэргэжлийн боловсон хүчний эрэлт, хэрэгцээг хангах, олон нийтэд үнэт цаасны зах зээлийн мэдлэг олгох замаар салбарын хөгжилд тодорхой хувь нэмэр оруулахад чиглэдэг.

Энэ сарын сургалтад продюсер, нягтлан бодогч, эдийн засагч, эрх зүйч, геологич, оюутан сурагч зэрэг салбар салбарын төлөөлөл хамрагдсан.

Сургалтын төгсгөлд “Монголын хөрөнгийн бирж” ХК-ийн Бизнес хөгжлийн газрын захирал Т.Хаш-Эрдэнэ суралцагчдад баяр хүргэж, амжилт хүсээд сертификатыг гардууллаа.

МОНГОЛЫН ХӨРӨНГИЙН БИРЖ