“Монголын хөрөнгийн бирж” ХК нь 2024 оны төлөвлөгөөнд тусгасны дагуу оффисын барилгын гадна фасадад хийх засварын ажлын зураг төсөв гаргуулахаар "Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль"-ийн 10 дугаар зүйлийн 10.2-т “Энэ хуулийн 31.2-т зааснаас бусад тохиолдолд нийт төсөвт өртөг нь шууд худалдан авч болох төсөвт өртгийн дээд хязгаараас хэтрээгүй бараа, ажил, үйлчилгээг захиалагч шууд худалдан авч болно” гэж заасны дагуу түүх, соёлын дурсгалт барилга, байгууламжийн сэргээн засварлалтын зураг төсөл боловсруулах тусгай зөвшөөрөлтэй компаниудад хамтран ажиллах саналыг үүгээр хүргүүлж байна.

Иймд сонирхсон компаниуд төсөвт өртөгт багтаан хамтран ажиллах үнийн санал, компанийн танилцуулга, туршлагын мэдээллийг 2024 оны 5 сарын 23-ны өдөрт багтаан албан бичгээр ирүүлэхийг хүсье.  

Ажлын төсөвт өртөг: 15,000,000 /арван таван сая төгрөг/

МОНГОЛЫН ХӨРӨНГИЙН БИРЖ