“Монголын хөрөнгийн бирж” ХК-иас санхүү, эдийн засаг, бизнесийн чиглэлээр их, дээд сургуульд суралцаж буй оюутнуудад биржид зочлох, товлосон сэдвийн хүрээнд мэдлэг мэдээллээ баяжуулах, практик сургалтад хамрагдах, танилцах аялал хийх боломжийг олгодог. 

Өнөөдөр /2024-04-09/ Санхүү, эдийн засгийн их сургуулийн багш Б.Ган-Эрдэнэ Эрх зүйн ангийн 4-р курсийн оюутнуудын хамт биржид зочилж, нэг цагийн нээлттэй хичээл зохион байгууллаа. Энэ үеэр Бизнес хөгжлийн газрын захирал Т.Хаш-Эрдэнэ Монголын хөрөнгийн зах зээлийн хөгжил, хөрөнгө оруулалт, үнэт цаасны зах зээлийн өнөөгийн нөхцөл байдлын талаар дэлгэрэнгүй мэдээлэл өгсөн. 

Төгсгөлд нь оюутнууд биржийн үзвэрийн танхимыг үзэж сонирхон, 1991 оноос хойших хөгжлийн үйл явц, төр засгаас гаргаж байсан үе үеийн онцлох шийдвэртэй танилцсан юм.

МОНГОЛЫН ХӨРӨНГИЙН БИРЖ