Санхүүгийн Зохицуулах Хорооны 2023 оны 06 дугаар сарын 23-ны өдрийн 213 тоот тогтоол болон Монголын Хөрөнгийн Биржийн Гүйцэтгэх захирлын 2023 оны 06 дугаар сарын 14-ний өдрийн А/101 тоот тушаалын дагуу бүртгэгдсэн “Монложистикс Холдинг” ХХК-ийн олон нийтэд санал болгон гаргаж буй нэг бүр нь 185 төгрөгийн үнэ бүхий 59,378,822 ширхэг хувьцааны анхдагч зах зээлийн арилжааны захиалгыг 2023 оны 09 дүгээр сарын 11-ний өдрөөс эхлэн 09 дүгээр сарын 15-ны өдрүүдэд 10:00-17:00 цагийн хооронд МХБ-ийн гишүүн үнэт цаасны компаниудаар дамжуулан хүлээн авна.

"Монложистикс Холдинг" ХХК нь нийт хувьцааныхаа 15% буюу 59,378,822 ширхэг хувьцааг нэмж гарган, нэгж хувьцааг 185 төгрөгөөр олон нийтэд санал болгож, нийт 10,98 тэрбум төгрөгийг татан төвлөрүүлэхээр төлөвлөж байна.

Нийтэд санал болгож буй хувьцааны 70 хувийг стратегийн хөрөнгө оруулагчдад, үлдэх 30 хувийг олон нийтэд санал болгон Монголын хөрөнгийн биржийн "Үнэт цаасны анхдагч зах зээлийн арилжааны журам"-д заасан тогтоосон үнийн аргаар худалдана.

Үндсэн андеррайтераар "Мандал Капитал Маркетс ҮЦК" ХХК ажиллаж байгаа ба тус үнэт цаасны компаниас үнэт цаасны анхдагч зах зээлийн хуваарилалтыг дараах байдлаар хийхээр төлөвлөсөн байна. Үүнд:

• Ердийн захиалгын 500 ширхэг ба түүнээс доош хэмжээтэй хэсгийг 100% биелүүлж, давсан хэсгийг хувь тэнцүүлэн хуваарилна.

• Стратегийн тодотголтой хөрөнгө оруулагчийн захиалгын доод дүн 50 сая төгрөг буюу 270,271 ширхэг бөгөөд стратегийн хөрөнгө оруулагчийн захилга 100% биелэх ба 6 сарын хугацаанд тусгаарлагдана.

Үнэт цаасны танилцуулгыг энд дарж үзнэ үү. 

МОНГОЛЫН ХӨРӨНГИЙН БИРЖ