Монгол Улсын Засгийн газрын 2023 оны 03 дугаар сарын 01-ний өдрийн 83 тоот тогтоолоор “Экспортод гаргах нүүрсний цахим арилжааны журам”-д өөрчлөлт орсонтой холбогдуулан "Монголын хөрөнгийн бирж" ХК-ийн ТУЗ-ийн 2023 оны 5 дугаар сарын 08-ны өдрийн 03 тоот тогтоолоор “Экспортод гаргах нүүрсний нээлттэй цахим арилжааг зохион байгуулах заавар”-т нэмэлт өөрчлөлт орууллаа. 

Уг нэмэлт өөрчлөлтийн дагуу худалдан авагчийн дэнчингийн хэмжээг 5 хувь болгон бууруулснаас гадна нүүрсний гэнэтийн шинжтэй зах зээлийн үнийн огцом уналттай уялдуулан дуудах доод үнэд өөрчлөлт оруулах боломж бий болсон. Түүнчлэн цаг үеийн нөхцөл байдалд нийцүүлэн арилжааны цагийг уртасган 10:00-17:00 цагийн хооронд дуудлага худалдааг зохион байгуулахаар боллоо. 

Нэмэлт өөрчлөлт орсон “Экспортод гаргах нүүрсний нээлттэй цахим арилжааг зохион байгуулах заавар”-тай энд дарж танилцана уу. 

 МОНГОЛЫН ХӨРӨНГИЙН БИРЖ