Санхүүгийн зохицуулах хорооны 2022 оны 3 дугаар сарын 23-ны өдрийн 145 тоот тогтоолоор батлагдсан “Компанийн засаглалын кодекс”-ийг  хувьцаат компаниудад мөрдүүлэх, тайлан мэдээлэл, нотлох баримтыг хүлээн авч үнэлгээ хийн олон нийтэд хүргэх ажлыг Монголын хөрөнгийн биржид үүрэг болгосон билээ. 

Хорооноос өгсөн үүрэг даалгаврын дагуу компанийн засаглалын кодексийг хэрэгжүүлэх талаар бүртгэлтэй компаниудад удаа дараа албан бичиг, үлгэрчилсэн загвар, үнэлэх аргачлалыг хүргүүлсэн хэдий ч өнөөдрийн байдлаар нийт 47 компаниас тайлан, нотлох баримт ирүүлснийг үндэслэн үнэлгээ хийж, тайланг олон нийтэд танилцуулж байна. 

Хувьцаат компаниудаас "Компанийн засаглалын кодекс"-ийн хэрэгжилтийн тайлан, нотлох баримтыг нэмж ирүүлсэн тухай бүр үнэлгээг өөрчлөх боломжтой ба тус засаглалын үнэлгээ нь Монголын Хөрөнгийн Биржийн бүртгэлийн ангиллыг өсгөх, бууруулахад голлох шалгуур үзүүлэлт болох юм.

Дэлгэрэнгүй тайланг энд дарж үзнэ үү.

МОНГОЛЫН ХӨРӨНГИЙН БИРЖ