Монголын хөрөнгийн биржийн III ангилалд бүртгэлтэй "Мон-Ит Булигаар" ХК-ийн 2022 оны 04 дүгээр сарын 20-ны өдрийн хувьцаа эзэмшигчдийн ээлжит хурлаар компанийн нэрийг өөрчилж, дүрмийн шинэчилсэн найруулгыг баталсантай холбогдуулан Монголын хөрөнгийн биржийн Гүйцэтгэх захирлын 2022 оны 05 дугаар сарын 19-ний өдрийн А/50 тоот тушаал болон Санхүүгийн зохицуулах хорооны даргын 2022 оны 07 дугаар сарын 06-ны өдрийн 382 тоот тогтоолоор "Мон-Ит Булигаар" ХК-ийн оноосон нэрийг "Булигаар" ХК болгон өөрчлөхөөр шийдвэрлэсэн.

Энэ дагуу тус компани нь оноосон нэрийн өөрчлөлт болон шинэчилсэн дүрмийг холбогдох журмын дагуу Улсын бүртгэлийн ерөнхий газарт бүртгүүлж, 2022 оны 08 дугаар сарын 23-ны өдөр Хуулийн этгээдийн улсын бүртгэлийн шинээр олгосон гэрчилгээний хуулбарыг ирүүлсэн тул 2022 оны 08 дугаар сарын 26-ны өдрөөс эхлэн тус компанийн үнэт цаасны арилжааг "Булигаар" ХК /MBG/ нэрээр зохион байгуулахаар боллоо.

МОНГОЛЫН ХӨРӨНГИЙН БИРЖ