"Монголын Хөрөнгийн Бирж” ТӨХК-ийн Гүйцэтгэх захирлын үүрэг гүйцэтгэгч Д.Ангар 8 дугаар сарын 27-ны өдөр “ING Commercial Banking”, “Goldman Sachs (Asia)”, “Thai Capital Management”, “Neuberger Berman Singapore Pte Limited”, “Value Partners Limited”, “T.Rowe Price International” зэрэг хөрөнгө оруулалтын сангийн үйл ажиллагаа эрхэлдэг олон улсад нэр хүнд бүхий компаниудын төлөөллийг хүлээн авч уулзлаа.
Тус уулзалтын үеэр Монголын хөрөнгийн биржийн өнөөгийн байдал, шинэчлэн батлагдсан "Үнэт цаасны зах зээлийн тухай хууль"-ийн хүрээнд зах зээлд нэвтрүүлэх шинэ бүтээгдэхүүн үйлчилгээ, Засгийн газрын үнэт цаасны арилжааг Монголын хөрөнгийн биржээр дамжуулах талаар танилцуулж, тэдгээрт хэрхэн хөрөнгө оруулж болох мөн хөрөнгийн зах зээлийн цаашдын чиг хандлагын талаар харилцан санал солилцлоо.
Мэдээллийн алба
МОНГОЛЫН ХӨРӨНГИЙН БИРЖ