9-р сарын 2-ны 11 цагт “Жаст Агро” ХХК-ны гаргаж буй “Монгол Мах” бондын хэвлэлийн бага хурал Монголын Хөрөнгийн Бирж дээр болж өнгөрлөө. Уг бонд нь манай улсын томоохон компаниудын нэг болох Жаст группын охин компани болох “Жаст Агро” ХХК нь хүчин чадлаа сайжруулах, эргэлтийн хөрөнгийг нэмэгдүүлэх зорилгоор 30 тэрбум төгрөгийн “Монгол мах” бондыг МХБ-ээр дамжуулан худалдах замаар татан төвлөрүүлэх ба одоогийн үйлдвэрлэлийн нийт хүчин чадлын 30 хувийг ашиглаж байгааг нэмэгдүүлэн 80 хувьд хүргэхэд зарцуулах юм. Бонд гаргах зөвшөөрлийг Санхүүгийн Зохицуулах Хорооны 2011 оны 7 дугаар сарын 26-ны өдрийн 223 дугаар тогтоол, Монголын Хөрөнгийн Биржийн 2011 оны 9 дугаар сарын 1-ны өдрийн 169 тогтоолын дагуу авсан.