Компанийн засаглалыг сайжруулах, мэдээллийн ил тод байдлыг хангах,  компаниудын өрсөлдөх чадварыг нэмэгдүүлэх зорилгоор Монголын хөрөнгийн биржид бүртгэлтэй хувьцаат компаниудын үйл ажиллагааны болон санхүүгийн тайлан мэдээг олон нийтэд мэдээллэх ажлыг Монголын хөрөнгийн бирж, Монголын хөрөнгийн зах зээлийн судалгаа хөгжлийн нийгэмлэг, гишүүн брокер дилерийн компаниудтай хамтран уламжлал болгон зохион явуулахаар төлөвлөж байна.

 

Тус ажлын хүрээнд “Говь” (MSE:GOV) ХК-ийн тайланг нээлттэй танилцуулсан бөгөөд дээрх арга хэмжээний үеэр зарим брокер дилерийн компанийн шинжээчид, хэвлэл мэдээллийнхэн сонирхсон асуултандаа хариултыг авсан нь үр дүнгээ өгсөн ажил болсон.

 

Иймд өөрийн компанийн явуулж байгаа үйл ажиллагааг олон нийтэд цаг алдалгүй хүргэх, нээлттэй танилцуулах боломжийг Та бүхэнд олгож байгаа тул  энэхүү арга хэмжээнд идэвхитэй оролцохыг  урьж байна.
 

 

 

Мэдээллийн алба

МОНГОЛЫН ХӨРӨНГИЙН БИРЖ