“Үнэт цаасны зах зээлийн тухай хууль” болон холбогдох журам батлагдан гарсантай холбогдуулан кастодианы үйл ажиллагааг дотоодын хөрөнгийн зах зээлд нэвтрүүлэх бэлтгэл ажлын хүрээнд “Монголын хөрөнгийн бирж” ТӨХК-ийн зүгээс энэхүү үйл ажиллагааг эрхлэхээр төлөвлөж буй болон бусад оролцогч байгууллагуудад зориулан “Кастодианы үйл ажиллагааны ахисан түвшний сургалт”-ыг 2014 оны 8 дугаар сарын 6-7-ны өдрүүдэд 2 дахь удаагаа зохион байгуулах гэж байна. 

 

Сургалтыг кастодианы чиглэлээр 30 гаруй жил ажилласан туршлагатай Лондонгийн хөрөнгийн бирж группийн ахлах зөвлөх Брюс Лоренс явуулах бөгөөд сургалтанд оролцогчдод кастодианы үйл ажиллагааг эрхлэхэд тулгарч болох хүндрэлүүд, олон улсын хөрөнгө оруулагчдын зүгээс бүтээгдэхүүн, үйлчилгээнд тавих нөхцөл, шаардлагуудын талаар мэдлэг олгохоос гадна Монголд кастодианаар ажиллахад хэрэгцээтэй мэргэжлийн зөвлөгөө, туслалцааг үзүүлэх юм.

 

 

Бүртгэлийн Алба

МОНГОЛЫН ХӨРӨНГИЙН БИРЖ