Монголын Хөрөнгийн Бирж 2014 оны 7-р сарын 28-ны өдрөөс эхлэн “MSE ALL” нэгдсэн индексийг туршилтын журмаар тооцож эхэлнэ.

 

Олон нийтэд нээлттэй арилжигдаж байгаа бүх 221 хувьцаат компанийг хамруулсан “MSE ALL” нэгдсэн хувьцааны индексийг туршилтаар тооцож эхлэхээр боллоо.

 

“MSE ALL” нэгдсэн индекс нь хувьцаа цөөн тоогоор арилжигдаж ханшийг огцом хөдөлгөх, зах зээлийн үнэлгээ өндөр компанийн индекст нөлөөлөх нөлөөллийг тэнцвэржүүлэх, хувьцааны ханшийн бодит чиг хандлагыг илэрхийлэх зорилгоор нэвтрүүлж байна.

 

Иймд “MSE ALL” туршилтын индексийг зах зээлд бүрэн нэвтрүүлэх хүртэлх хугацаанд бизнесийн аливаа шийдвэр гаргалтанд шууд авч ашиглахгүй байхыг анхааруулж байна.

 

 

 

Мэдээллийн Алба

МОНГОЛЫН ХӨРӨНГИЙН БИРЖ