“Монголын хөрөнгийн бирж” ТӨХК-ийн гүйцэтгэх захирлын үүрэг гүйцэтгэгч Д.Ангар Европын сэргээн босголт хөгжлийн банкны суурин төлөөлөгчийн орлогч Ө.Азжаргалтай 2014 оны 7 дугаар сарын 9-ний өдөр уулзаж Монголын хөрөнгийн зах зээлийн ирээдүйн хөгжлийн талаар санал солилцлоо.

Уулзалтын үеэр Монголын хөрөнгийн биржийн зүгээс Европын сэргээн босголт хөгжлийн банкийг Монголын хөрөнгийн зах зээлээс бүтээгдэхүүн худалдан авах, цаашлаад өөрийн эзэмшиж буй хувьцааг тус зах зээлд гаргах боломжийн талаар судалж хамтран ажиллахыг санал болголоо.

Өнөөгийн байдлаар ЕСБХБ нь Монгол улсад 1.0 тэрбум орчим ам.долларын хөрөнгө оруулалт хийгээд буй юм.

 

 

Мэдээллийн алба

МОНГОЛЫН ХӨРӨНГИЙН БИРЖ