Төрийн албан хаагчдын /4000/ орон сууцны урт хугацаат зээлийн эх үүсвэрийг санхүүжүүлэх зорилготой нийт 72.0 тэрбум төгрөгийн Засгийн газрын үнэт цаасыг 2011 оны 6 дугаар сарын 8, 7 дугаар сарын 6-ны өдрүүдэд Монголын хөрөнгийн биржээр дамжуулан нийт 54.99 тэрбум төгрөгийн бондыг амжилттай арилжаалсан билээ. Тэгвэл Засгийн газрын бондын ээлжит арилжаа 2011 оны 8 дугаар сарын 3-ны өдөр Монголын хөрөнгийн бирж дээр явагдахаар болсон бөгөөд энэ удаад арилжигдах үнэт цаасны нөхцөлийг дараах хүснэгтэд харуулав. Хэмжээ /тэр. төг/ Тоо хэмжээ Нэгж үнэ /төгрөг/ Хугацаа /жил/ Дуудах хүү 7.01 70,100 100,000 1 7.50 6.0 60,000 100,000 2 7.75 2.0 20,000 100,000 3 8.00 2.0 20,000 100,000 5 8.50 Нийт 17,01 тэрбум төгрөг Мөн УИХ-аас 2011 оны 5 дугаар сарын 27-ны өдөр баталсан “Засгийн газрын үнэт цаас гаргахыг зөвшөөрөх тухай” тогтоолд ноолуурын салбарт 100.0 тэрбум төгрөг, ноосны салбарт 50.0 тэрбум төгрөг, жижиг дунд үйлдвэрлэлийг дэмжих зорилгоор 150.0 тэрбум төгрөг, нийт 300.0 тэрбум төгрөгийн бонд гаргахыг Засгийн газарт даалгасан болно. Тус тогтоолыг хэрэгжүүлэх зорилгоор 2011 оны 7 дугаар сарын 6-ны өдрийн Засгийн газрын 208 тоот тогтоолоор Засгийн газрын үнэт цаас гаргахыг зөвшөөрсөн билээ. Үүний дагуу дээрх Засгийн газрын үнэт цаасыг 2011 оны 8-11 дүгээр саруудад үе шаттайгаар, Монголын хөрөнгийн биржээр дамжуулан арилжаалахаар төлөвлөн ажиллаж байгаа бөгөөд Сангийн яамны зүгээс арилжааны хуваарийг 7 дугаар сардаа багтааж олон нийтэд мэдэгдэх болно.