Санхүүгийн зохицуулах хорооны 2013 оны 12 дугаар сарын 12-ны өдрийн 500 тоот тогтоол, МХБ-ийн "Үнэт цаасны бүртгэлийн журам"-ын 58, 59.1 дэх хэсгийг үндэслэн “Монголын хөрөнгийн бирж” ТӨХК-ийн Гүйцэтгэх захирлын 2014 оны 1 дүгээр сарын 14-ний өдрийн 14 тоот тушаалаар дараах нэр бүхий 12 хувьцаат компани, тэдгээрийн үнэт цаасыг МХБ-ийн үнэт цаасны бүртгэлээс хаслаа.
Дээрх компаниуд нь "Үнэт цаасны зах зээлийн тухай" хуулийн 10 дугаар зүйлийн 10.1.3, 10.1.4, 10.1.5 дахь заалтуудыг хэрэгжүүлээгүй, Хөрөнгийн бирж болон Санхүүгийн зохицуулах хорооноос баталсан журмын дагуу хувьцаа эзэмшигчдэд хүргэх ёстой мэдээллийг хуульд заасан хугацаанд хүргээгүй, Хорооноос өгсөн хугацаатай үүрэг, даалгаврыг биелүүлээгүй зэрэг зөрчлүүдийг удаа дараа гаргаж, МХБ-ийн “Үнэт цаасны бүртгэлийн журам”-аар тогтоосон үнэт цаасны шалгуур үзүүлэлтийг бүрэн хангаж ажиллаагүй юм. Цаашид эдгээр компаниуд нь хаалттай хувьцаат компани хэлбэрээр үйл ажиллагаагаа үргэлжлүүлэх боломжтой юм.
№ Компанийн нэр Код Симбол Үнэт цаасны тоо Нэрлэсэн үнэ
1 “Торгон үр” ХК 415 IBU 171,657 100
2 “Дорнод ноос” ХК 381 DNU 462,929 100
3 “Алтай ханын материал” ХК 240 AHM 63,396 100
4 “Дар зам” ХК 470 DRZ 616,848 100
5 “Мандал Оргил” ХК 261 OZH 68,968 100
6 “Улбаа” ХК 210 ULB 112,646 100
7 “Сүмбэр-Өлзий” ХК 266 SUO 114,834 100
8 “Тээвэр төв” ХК 439 TEV 207,791 100
9 “Говь сүмбэр” ХК 344 GOS 97,149 100
10 “Улаан хотгор” ХК 422 ULH 97,322 100
11 “Жинчин” ХК 155 JNN 80,601 100
12 “Арилжаа” ХК 122 ARI 52,777 100
“Монголын хөрөнгийн бирж” ТӨХК-ийн Гүйцэтгэх захирлын 2014 оны 1 дүгээр сарын 14-ний өдрийн 14 тоот тушаалыг энд дарж үзнэ үү.
Мэдээллийн алба
МОНГОЛЫН ХӨРӨНГИЙН БИРЖ