Монголын Хөрөнгийн Бирж (МХБ)-ийн 1-р ангилалд бүртгэлтэй "ЛэндМН ББСБ" ХК 2019 оны эхний хагас жилийн санхүү, үйл ажиллагааны тайлангаа МХБ дээр 2019 оны 8 дугаар сарын 16-ны өдөр олон нийтэд нээлттэй танилцууллаа. Тайлант хугацаанд тус компани нь цахим зээлийн болон төлбөр тооцооны үйлчилгээний цар хүрээг нэмэгдүүлэх зорилт тавин ажилласан бөгөөд дараах голлох үр дүнд хүрсэн байна. Үүнд:
- LendMn open platform-ийг олон нийтэд танилцуулж, онлайн дэлгүүр, хямдралын купон, олон улсын мөнгөн гуйвуулгын үйлчилгээ, хандивын системийг аппликейшндээ шинээр нэвтрүүлжээ.
- Өнгөрсөн оны мөн үетэй харьцуулахад гэрээт харилцагчийн тоо 2.5 дахин, олгосон зээлийн тоо 4.6 дахин, олгосон зээлийн дүн 5 дахин тус тус өсчээ.
- Цэвэр ашгийн хэмжээ өмнөх оны мен үетэй харьцуулахад даруй 2 дахин өсч, 2.56 тэрбум төгрөгт хүрчээ.
- Хувьцааны арилжааны хувьд өдөрт дунджаар 12.6 сая төгрөгийн хувьцаа МХБ-ээр дамжин арилжигдсан нь нийт арилжааны үнийн дүнгийн 8.48%-тай тэнцэж байна.
Цаашид тус компани нь БНСУ-ын зах зээлд хадгаламжийн бичиг гаргах замаар хувьцаагаа арилжихаар төлөвлөж байгаа тухай мэдэгдлээ.
"ЛэндМН ББСБ" ХК-ийн олон нийтэд нээлттэй танилцуулсан тайланг бүрэн эхээр нь Энд дарж үзнэ үү.
МОНГОЛЫН ХӨРӨНГИЙН БИРЖ