МХБ-ийн гүйцэтгэх захирлын 2011 оны 5 сарын 4-ний өдрийн 92 тоот тушаалын хавсралтаар МХБ-ийн үнэт цаасны арилжаанд оролцох эрх олгох журмыг баталсан билээ. Уг журмын дагуу Үнэт цаасны арилжаанд оролцох эрх олгох, аттестатчилах шалгалтыг 2011 оны 7 сарын 2-ны өдөр 10.00 цагт МУИС-ын 3 дугаар байранд авах болсныг брокер, дилерийн компанийн ажилтнуудад мэдэгдэж байна. Шалгалтад оролцохыг хүсэгчид дараах материалыг бүрдүүлж 2011 оны 06 сарын 28-ны өдрийн дотор МХБ-ийн Бүртгэлийн албанд ирж бүртгүүлнэ үү. - Шалгалтанд оруулахыг хүссэн компанийн албан бичиг; - “Үнэт цаасны зах зээлд мэргэжлийн ажил үйлчилгээ явуулах эрхийн үнэмлэх”-ний нотариатаар гэрчлүүлсэн хуулбар; - 3х4 хэмжээтэй цээж зураг-2 хувь; - Шалгалтын хураамж төлсөн баримт; Жич: Шалгалтад оролцогчдод зориулж МХБ-ээс гаргасан “Үнэт цаасны арилжаанд оролцох эрх олгох, аттестатчилах шалгалтын тест” номыг 12000 төгрөгөөр худалдаалж байгаа бөгөөд уг тестийн номоос шалгалтын асуултыг боловсруулна. Шалгалтын хураамжийг МХБирж дээр бэлнээр болон Голомт банкны 1105021404 тоот дансанд тушааж болно. МОНГОЛЫН ХӨРӨНГИЙН БИРЖ