Монголын хөрөнгийн биржийн 1-р ангилалд бүртгэлтэй "Говь" ХК нь 2018 оны эхний хагас жилийн санхүү, үйл ажиллагааны тайлангаа Монголын хөрөнгийн бирж дээр 2018 оны 8 дугаар сарын 9-ний өдөр олон нийтэд нээлттэй танилцууллаа.

2018 оны эхний хагас жилд "Говь" ХК-ийн борлуулалтын орлого өмнөх оны мөн үетэй харьцуулахад 64 хувиар өсч, 55.6 тэрбум төгрөгт, цэвэр ашгийн хэмжээ 30 хувиар өсч, 4.4 тэрбум төгрөгт тус тус хүрсэн үзүүлэлттэй байна. 

Компани нь тайлант хугацаанд гадаад зах зээл дэхь борлуулалтаа нэмэгдүүлэх талаар идэвхтэй ажилласны дүнд Хятад, Герман, Турк зэрэг улсуудад франчайз дэлгүүр нээснээс гадна www.amazon.com цахим хуудсаар дамжуулан бүтээгдэхүүнээ борлуулж эхлээд байна. 

Цаашид энэ онд багтаан үйлдвэрийн өргөтгөл хийх, Төв аймгийн Сэргэлэн суманд анхан шатны цогц үйлдвэрийг ашиглалтад оруулах, Сүхбаатарын талбайн хажууд 1745 м.кв талбай бүхий UB galleria дэлгүүр болон гадаад зах зээлд дахин 5 франчайз дэлгүүрийг нээж ажиллуулахаар төлөвлөсөн байна. 

"Говь" ХК-ийн олон нийтэд нээлттэй танилцуулсан тайланг бүрэн эхээр нь Энд дарж үзнэ үү. 

МОНГОЛЫН ХӨРӨНГИЙН БИРЖ