"Монголын хөрөнгийн бирж" ТӨХК-ийн Гүйцэтгэх захирлын 2017 оны 5-р сарын 15-ны өдрийн А88 тоот тушаалаар  “Айтүүлс” ХК-ийн нэг бүр нь 43 төгрөгийн нэрлэсэн үнэ бүхий, нийт 34,452,124 ширхэг энгийн хувьцааг үнэт цаасны бүртгэлд бүртгэснийг Санхүүгийн зохицуулах хорооны 2017 оны 9-р сарын 27-ний өдрийн хурлаар хэлэлцэж, 173 тоот тогтоолоор нийт гаргасан хувьцааны 13,387,980 ширхгийг тус бүр 100 төгрөгийн үнээр нийтэд санал болгон худалдахыг зөвшөөрсөн байна.

Айтүүлс ХХК нь 2011 онд үүсгэн байгуулагдсан ба үндсэн үйлчилгээ нь интернетийн технологид суурилсан дата төвийн үйлчилгээ бөгөөд түүний дагалдах үйлчилгээ болох домэйн нэрийн бүртгэл, и-мэйл зэрэг 30 гаруй төрлийн бүтээгдэхүүн, үйлчилгээг цогцоор нь үзүүлдэг бөгөөд олон нийтээс татан төвлөрүүлсэн хөрөнгөөрөө дата төвийн үйлчилгээгээ тэлж, газарзүйн нөөц байршил болох Дархан хотод олон улсын TIER III стандартыг хангасан Модуляр дата төвийн паркийг байгуулахаар зорин ажиллаж байна.

Үнэт цаасны дэлгэрэнгүй мэдээллийг Энд дарж үзнэ үү.

МОНГОЛЫН ХӨРӨНГИЙН БИРЖ