Хөрөнгийн зах зээлийн хөгжлийг дэмжих, Монголын компаниудыг хөрөнгийн зах зээлээс хөрөнгө мөнгө татан төвлөрүүлэх, хөрөнгийн биржид бүртгэлтэй нээлттэй компани болох ажиллагааг дэмжих зорилгоор Монголын хөрөнгийн бирж нь 2012 оны 9 сарын 13-ны өдрөөс эхлэн нэг жилийн хугацаанд үнэт цаасны бүртгэлийн хураамжаа бууруулан хөнгөлөлт үзүүлэхээр шийдвэрлэлээ. Үнэт цаасаа олон нийтэд анх удаа санал болгож буй компаниудын үнэт цаасны бүртгэлийн хураамжийг 30 хувиар, нэмэлт үнэт цаас гаргаж буй компаниудын бүртгэлийн хураамжийг 50 хувиар тус тус бууруулан хөнгөлөлт үзүүлэх боллоо.