Монголын хөрөнгийн зах зээлийн ажлын хэсгийн хурал өчигдөр буюу 2012.08.06-ны өдрийн 14:00-16:00 цагийн хооронд Монголын хөрөнгийн биржийн байранд боллоо.
Монголын хөрөнгийн бирж, Санхүүгийн зохицуулах хороо, Үнэт цаасны төлбөр тооцоо, төвлөрсөн хадгаламжийн төв, Монгол банк, клирингийн банкууд, арилжаанд оролцох эрхтэй брокерууд, Монголын үнэт цаасны арилжаа эрхлэгчдийн холбоо зэрэг байгууллагуудын төлөөлөгчид энэхүү ажлын хэсэгт багтаж хуралд оролцсон байна.
Уг хуралдаанаар ажлын хэсгийн зорилтууд, бүтэц, үйл ажиллагаа, үүрэг хариуцлага болоод зах зээлд гарсан өөрчлөлтүүд, шинэ арилжааны системтэй холбоотой бусад асуудлуудыг хэлэлцсэнээс гадна хөрөнгийн зах зээлд тулгамдаж буй асуудлуудыг шуурхай шийдвэрлэж байхаар дэд ажлын хэсгүүдийг байгуулсан байна.