Санхүүгийн зохицуулах хороо, Монголын хөрөнгийн бирж, Монголын үнэт цаасны арилжаа эрхлэгчдийн холбоо болон ЖАЙКА /Japan Internatoinal Cooperation Agency/ хамтран “Нэг зорилго - Нэгдсэн шийдэл” сэдэвт нээлттэй хэлэлцүүлгийг өнөөдөр Төрийн ордны “Их танхим”-д амжилттай зохион байгууллаа.

Энэхүү хэлэлцүүлгийг Монгол улсын Ерөнхий сайд Ж.Эрдэнэбат нээж үг хэлэхдээ Хөрөнгийн зах зээлийг хөгжүүлэх, идвэхжүүлэх зайшгүй шаардлага байгаа, Засгийн газрын зүгээс дэмжин ажиллахыг тэмдэглэсэн.

Хэлэлцүүлгээр Үнэт цаасны зах зээлийн мэргэжлийн оролцогчид, үнэт цаас гаргагчид, хөрөнгө оруулагчдад тулгамдаж буй асуудал, өнөөгийн эдийн засгийн хүндрэлтэй нөхцөл байдлаас гарахад үнэт цаасны зах зээлийн оролцоо, түүний ач холбогдлын талаар хамтран хэлэлцэж, цаашид нэг зорилготойгоор хамтран ажиллахаар боллоо. 

МОНГОЛЫН ХӨРӨНГИЙН БИРЖ